കെ എസ് ഇ ബി ഉദ്യോഗസ്ഥവൃന്ദത്തിനും വകുപ്പിനും അഭിനന്ദനങ്ങൾ.

വൈമനസ്യമില്ലാതെ സേവന പാതയിൽ
വൈദ്യുതി ഉദ്യോഗസ്ഥർ
മാതൃഭൂമി ദിനപത്രത്തിലെ തളരില്ല പോരാളികൾ എന്ന തലക്കെട്ടിൽ വന്ന ഫോട്ടോ ആണ് ഈകുറിപ്പ്എഴുതുന്നതിന് നിദാനമായത്.
         പണ്ട് മൈക്കൽ ഫാരഡെ വൈദ്യുതി കണ്ടു പിടിച്ച് ബ്രിട്ടീഷ് രാജ്ഞിയെ  അഭിമാന പുരസരം  പരിചയപ്പെടുത്തിയപ്പോൾ  രാജ്ഞി ചോദിച്ചത്" ഇത് കൊണ്ട് എന്താ പ്രയോജനം?"എന്നായിരുന്നു വത്രേ.എന്നാൽ ഫാരഡെ വിട്ടു കൊടുത്തില്ല."അങ്ങയുടെ മക്കളെ കൊണ്ട് എന്താ പ്രയോജനം" എന്ന് തിരിച്ച് ചോദിച്ചു.
      ഇന്ന് ലോകം മുഴുവൻ സുഖം പകരുന്ന വൈദ്യുതി കണ്ടു പിടിച്ച മൈക്കൽ ഫാരഡെയാണ് നമ്മുടെ ദൈവം. നമുക്ക് മുടങ്ങാതെ വെളിച്ചം തരുന്ന, പകരുന്ന വൈദ്യുതി ഉദ്യോഗസ്ഥർ ദൈവപുത്രന്മാരും.
      ഒരു നിമിഷം ജോലി ചെയ്യുമ്പോൾ ഒന്ന് പതറിയാൽ,കാലിടറിയാൽ ആ ജീവപുഷ്പം നിലം പതിക്കും.ഒരു രാജ്യത്തെ കാക്കുന്ന സൈനികന് യുദ്ധമുണ്ടായാൽ മാത്രമേ ഭയപ്പെടേണ്ടതുളളു.(ഭയമില്ലാത്തവരാണ് സൈനികർ) എന്നാൽ എന്നും യുദ്ധമുഖത്താണ് വൈദ്യുതി ഉദ്യോഗസ്ഥർ.
      " മഴയും വെയിലുമെന്നൊക്കെ മടിയന്മാർ ചൊല്ലുമ്പോൾ" ഈ ഉദ്യോഗസ്ഥർ മഴ വരുമ്പോൾ,കാറ്റടിക്കുമ്പോൾ, മിന്നൽ കത്തിയെരിയുമ്പോൾ മരക്കൊമ്പിലും റോഡു വക്കിലും സേവനപാതയിൽ പൂക്കൾ വിതറുന്ന മഹാനുഭാവൻമാരായി നമ്മുടെ ഹൃദയം കവർന്നിരിക്കുന്നു.
         കേരളത്തിനെ  എന്നും പ്രകാശഭൂമിയാക്കുന്ന കെ എസ് ഇ ബി ഉദ്യോഗസ്ഥവൃന്ദത്തിനും വകുപ്പിനും അഭിനന്ദനങ്ങൾ.
   സുകുമാരൻ പെരിയച്ചൂർ.
സപര്യ സാംസ്കാരിക സമിതി കേരള, സംസ്ഥാന ജനറൽ സെക്രട്ടറി.കാഞ്ഞങ്ങാട്.ഫോൺ.9747251000