ചെന്നൈയിൻ കതൈ 10/05/2020

ചെന്നൈയിൻ കതൈ -ഗോപകുമാർ 10/05/2020

പിന്നെയും ഒരു കാര്യം പറയാം, ഇപ്പോൾ ചെന്നയിൽ 500 രോഗി ഒരു ദിവസം ഉണ്ടാവുന്നുണ്ട്. പക്ഷേ ഇവിടെ എല്ലാ ഷോപ്പും തുറന്നു. തുണിക്കട, പാത്രക്കട മുതലായ എല്ലാം. രാവിലെ 6 മുതൽ വൈകിട്ട് 7 വരെ. ബസ് ഇല്ലാ എന്ന് മാത്രം. വ്യവസായശാലകൾ 25% ആളുകളെ വച്ച് പ്രവർത്തനം തുടങ്ങി.

 ഞങ്ങൾ ഒക്കെ കൊറോണയുടെ കൂടെ ജീവിക്കാൻ പഠിച്ചു കൊണ്ടിരിക്കുകയാണ്. എൻ്റെ ഒന്നിച്ച് അവൻമാരുണ്ട്. പക്ഷേ കേരളത്തിൽ ഒരു രക്ഷിതാവിൻ്റെ നിയന്ത്രണമുള്ള പോലാണ് കാര്യങ്ങൾ. അങ്ങോട്ട് പോകരുത് , ഇങ്ങോട്ട് പോകരുത് തുടങ്ങിയ നിർദ്ദേശവുമായി പോലീസും, ആരോഗ്യ പ്രവർത്തകരും എല്ലാം .

 ഇവിടൊന്നും ഒന്നുമില്ല, നിയന്ത്രിക്കാൻ ഒരു പോലീസുമില്ല, നിർദ്ദേശവുമായി ആരോഗ്യ പ്രവർത്തകരും ഇല്ല..

ഇങ്ങനെ തന്നെയാണ് മുബൈ, പൂന ഒക്കെ. ഇവിടുന്നു വരുന്ന നല്ല ശതമാനത്തിന്നും കൊറോണ കാണും. 2 ആഴ്ച കഴിഞ്ഞാൽ അതിൻ്റെ ഫലം നിങ്ങൾക്ക് കാണാം. ദിവസവും 100 കണക്കിന് കേസ് വരാൻ സാധ്യത ഉണ്ട്.

മലയാളികൾ പലരും ഇപ്പോൾ നാട്ടിലേക്കു വരുന്നില്ല, കാരണം ഇവിടെ സ്ഥാപനങ്ങൾ തുറന്നു. അതിർത്തിയിൽ പരിശോധിച്ച് , റജിസ്റ്റർ ചെയ്തവരെ മാത്രം ഉള്ളിലേക്ക് വിട്ടാൽ നിങ്ങൾക്ക് കൊള്ളാം. അല്ലാതെ വാളയാറിൽ മൈക്ക് നീട്ടി ചാടുന്ന മീഡിയക്കാരെ വിശ്വസിച്ചാ കാര്യം പോക്കാണ്.

 100 % ,ദിവസം കുറിച്ച് വച്ചോ 24.05.2020. ന് ശേഷം കാര്യം കൈവിടുന്നത് കാണാം. സഹകരിച്ചാൽ ഈ നില തുടരാം