ANNOUNCEMENTS

ഡെങ്കി പനി വരുന്നതു തടയാൻ വെള്ളം തട്ടി മറിച്ചാൽ പോരാ . മറ്റു പ്രതിരോധ നടപടികൾ കൂടി സ്വീകരിക്കാൻ ഉണ്ട്. എല്ലാവരും അവ സ്വീകരിക്കുന്നതിനു വേണ്ട അവബോധ പ്രചാരണം നടത്തണം. കൊതുക് ശല്യം ഉള്ള ദേശങ്ങളിൽ (1). കൊതുകു വലക്കകത്ത് മാത്രം ഉറങ്ങുക / വിശ്രമിക്കുക (2) കൊതുകിനെ അകറ്റി നിർത്താൻ പുകയിടുക ,വാതിലുകളും ജനാലുകളും കതകുകൾ അടച്ചിടുകയോ ഉചിതമായ തരം വലകൾ ഉപയോഗിച്ച് അടക്കുകയോ ചെയ്യുക, താമസിക്കുന്ന പറമ്പത്തെ കുറ്റിക്കാടുകൾ നശിപ്പിക്കുക ( 3 ) ജോലി ചെയ്യുന്ന സമയത്ത് ശരീരം മുഴുവൻ മൂടുന്ന തരം വേഷം ധരിക്കുക (4) രാവിലെയും വൈകുന്നേരവും കൊതുക് ധാരാളമായി ഇറങ്ങുന്ന സമയം നമ്മൾ സംരക്ഷിത വേഷങ്ങളില്ലാതെ പുറത്തിറങ്ങുന്നത് ഒഴിവാക്കുക (5) കൊതുക് ബാറ്റ് വാങ്ങി വീടിനു പരിസരത്തും മുറികളിലും കാണപ്പെടുന്ന കൊതുകുകളെ നശിപ്പിക്കാൻ ഓരോരുത്തരും അരമണിക്കൂർ മാറ്റിവെക്കുക. Offense is the best form of defense.

Sunday, August 22, 2021

NEWS TO MAKE LIFE EASY

NEWS TO MAKE LIFE EASY


നമ്മുടെ പേരില്‍ എത്ര സിം ഉണ്ടെന്ന്

https://tafcop.dgtelecom.gov.in 

  ഈ ലിങ്കില്‍ കയറി നമ്മുടെ മൊബൈൽ number enter ചെയത് OTP കൊടുത്താൽ നമ്മുടെ പേരില്‍ എത്ര സിം ഉണ്ടെന്ന് കാണിക്കും... ഏതെങ്കിലും number ആവശ്യം ഇല്ലെങ്കില്‍ delete request കൊടുക്കാനും കഴിയും....


CORRECTION IN DRIVING LICENSE

 505 രൂപ ചെലവില്‍ ഡ്രൈവിങ് ലൈസന്‍സിലെ തെറ്റ് ഓണ്‍ലൈനായി തിരുത്താം......


ആര്‍.ടി.ഓഫിസില്‍ കേറിയിറങ്ങാതെ ലൈസന്‍സ് പുതുക്കാം; 
കാത്തിരിപ്പില്ലാത്ത സംവിധാനം ഒരുങ്ങി


രക്തത്തിലെ ഇരുമ്പിനെ ഭൂമിയുടെ കാന്തികത ആകര്‍ഷിക്കുമോ; വടക്കോട്ട് തലവച്ച് കിടന്നാല്‍ ഇരുമ്പെല്ലാം കാലിലെത്തി നാം രോഗിയാവില്ലേ? ഡോ വൈശാഖന്‍ തമ്പി പ്രതികരിക്കുന്നു

രാത്രി കിടക്കുമ്പോൾ അമ്മമാർ മുടികെട്ടി വയ്ക്കണം; വിചിത്രമായ അനുഭവക്കുറിപ്പുമായി യുവാവ്

Teacher ജോലി സംബന്ധിച്ച വിവരങ്ങൾക്ക്
 9895067660 (NAYEEM)എന്ന നമ്പറിലേക്ക് വിളിക്കുക. ടീച്ചർ vacancy സംബന്ധിച്ച വിവരങ്ങൾ സ്ഥിരമായി ലഭിക്കുന്നതായിരിക്കും.

വൃത്തിയുടെ സുൽത്താൻ 
https://youtu.be/6y2EpMr__HY
നമ്മൾ പ്രകൃതി സ്നേഹികൾ കൊതിച്ചത് ഇതുപോലെയുള്ള കാഴചകളാണ്.

ഒരു👆ജില്ലയിൽ തൊട്ടാൽ, ആ ജില്ലയുടെ വിശദമായ വിവരം ലഭിക്കും. 


 

Wednesday, July 28, 2021

ടിടി കുത്തിവെപ്പ് സ്വീകരിച്ച ഉടനെ കോവിഡ് വാക്സിൻ സ്വീകരിക്കുന്നവർ മരിക്കുമെന്ന നുണ

 ടെറ്റനസ് വാക്സിൻ (ടിടി കുത്തിവെപ്പ്) സ്വീകരിച്ച ഉടനെ കോവിഡ് വാക്സിൻ സ്വീകരിക്കുന്നവർ മരിക്കുമെന്ന നുണ പ്രചരണം വാട്സാപ്പിൽ നന്നായി ഓടുന്നുണ്ട്. 


🔴 നൂറു വർഷത്തോളം ചരിത്രമുള്ള വാക്സിനാണ് ടെറ്റനസ് ടോക്സോയ്‌ഡ്‌ എന്ന ടി ടി. ഈ കുത്തിവെപ്പ് എടുക്കാത്ത ആൾക്കാർ ഉണ്ടാവില്ല എന്നുതന്നെ പറയാം. ഡിഫ്തീരിയ, പെർട്ടൂസിസ് വാക്സിനുകൾ ടെറ്റനസ് വാക്സിന് ഒപ്പം പണ്ടു മുതലേ ഡി പി ടി ആയി നൽകിവരുന്നുണ്ട്.


🔴 തൊണ്ണൂറുകളോടെ ഹെപ്പറ്റൈറ്റിസ്-ബി, ഹീമോഫിലസ് ഇൻഫ്ലുവെൻസ വാക്സിനും ഈ കൂടെ ചേർത്തു (പെന്റാവലന്റ് വാക്‌സിൻ).


🔴 ഏതാണ്ട് അഞ്ചു വർഷം മുൻപു മുതൽ ഇൻജക്റ്റബിൾ പോളിയോ വാക്സിൻ കൂടെ ചേർക്കുകയുണ്ടായി (ഹെക്സാവലന്റ് വാക്‌സിൻ).


🔴 ഇതിനൊപ്പം തന്നെ റോട്ടാവൈറസ് വാക്സിൻ, ന്യൂമൊകോക്കൽ വാക്സിൻ, ജപ്പാനീസ് എൻകഫലൈറ്റിസ് വാക്‌സിൻ ഒക്കെ ഒരുമിച്ച് എടുത്താലും പ്രശ്നം ഉള്ളതല്ല. 


🔴 നിലവിലുള്ള ഏതു വാക്സിനൊപ്പവും നൽകാവുന്ന ഒരു വാക്സിനാണ് ഇൻജക്ഷൻ ടി ടി. അത് ഒരേ സമയമോ കുറച്ചു ദിവസങ്ങളുടെ ഇടവേളകളിലോ ആവാം, ഒരു കുഴപ്പവുമില്ല. 


രണ്ടുതരം വാക്സിൻ ഒരേസമയം നൽകുമ്പോൾ വിലയിരുത്തേണ്ട കാര്യങ്ങൾ എന്തൊക്കെയാണ് എന്ന് നോക്കാം. 


👉 ഒരേസമയം നൽകുമ്പോൾ ഏതെങ്കിലും വാക്സിൻ ഫലപ്രാപ്തി നൽകാതിരിക്കുമോ ? 


👉 രണ്ട് വാക്സിൻ ഒരേസമയം നൽകുമ്പോൾ സുരക്ഷിതത്വ പ്രശ്നങ്ങൾ ഉണ്ടോ ? 


ടെറ്റനസ് വാക്സിൻ വേറെ ഏത് വാക്സിന് ഒപ്പം നൽകിയാലും രണ്ടിന്റെയും ഫലപ്രാപ്തി കുറയുന്നില്ല. സുരക്ഷിതത്വ പ്രശ്നവുമില്ല. 


🔴ഇന്ത്യയിൽ കൊവിഡ് വാക്സിൻ നൽകുന്നതിനുള്ള മാർഗ്ഗനിർദേശ പ്രകാരം മറ്റേതെങ്കിലും വാക്സിൻ സ്വീകരിച്ചവർ രണ്ടാഴ്ചത്തെ ഇടവേളക്കുശേഷം കോവിഡ് വാക്സിൻ സ്വീകരിച്ചാൽ മതി എന്നാണ്. പുതിയ ഒരു വാക്സിൻ, ബൃഹത്തായ ഒരു പദ്ധതിയുടെ ഭാഗമായി നൽകുമ്പോൾ അങ്ങേയറ്റത്തെ ജാഗ്രത എന്നുള്ള നിലയിൽ രൂപീകരിച്ച നിർദ്ദേശങ്ങൾ ആണിത്. അതിനർത്ഥം മറ്റേതെങ്കിലും വാക്സിൻ സ്വീകരിച്ച ഉടൻ കൊവിഡ് വാക്സിൻ സ്വീകരിച്ചാൽ മരണം സംഭവിക്കും എന്നല്ല.അത് തികച്ചും തെറ്റായ ഒരു ധാരണയാണ്.


ℹ️ സെന്റർ ഫോർ ഡിസിസ് കണ്ട്രോൾ (CDC) ഈ വിഷയത്തിലുള്ള മാർഗ്ഗനിർദേശം പുതുക്കി നൽകിയിട്ടുണ്ട്. ഇത് പ്രകാരം കോവിഡ് വാക്‌സിൻ മറ്റേത് വാക്‌സിനോടൊപ്പവും ഒരേ ദിവസം നൽകാവുന്നതാണ്. കുത്തിവയ്പ്പെടുക്കുന്ന ഭാഗത്തെ വേദനയും മറ്റു പ്രശ്നങ്ങളും കുറയ്ക്കാൻ രണ്ടു കുത്തി വയ്പ്പും രണ്ടു ശരീരഭാഗങ്ങളിൽ എടുക്കാവുന്നതാണ്.


ഇത്തരത്തിലുള്ള നുണ പ്രചരണങ്ങളുടെ ഭാഗം ആകാതിരിക്കാൻ ശ്രദ്ധിക്കുക എന്നതാണ് ഒരു പൗരൻ എന്ന നിലയിൽ ചെയ്യേണ്ടത്. 


എഴുതിയത്: Dr. Purushothaman K. K., Dr. Aswini Ranganath & Jinesh P. S.


Info Clinic 


#ടിടി

#കോവിഡ്_വാക്‌സിൻ

#covidvaccine

#tt

Sunday, July 11, 2021

ഹരി പത്തനാപുരത്തെ കണ്ടുപഠിക്കണം

 

തട്ടിപ്പു മന്ത്രവാദികളെ... നിങ്ങൾ കുറഞ്ഞപക്ഷം ഹരി പത്തനാപുരത്തെയെങ്കിലും കണ്ടുപഠിക്കണം


പല ജാതി അപകടങ്ങൾ-
കന്നിമൂല നോക്കുന്നവർ
സർപ്പദോഷം
ജാതകം എഴുത്തും,
ചൊവ്വ ദോഷവും





Saturday, July 10, 2021

help for cylinder leak- call 1906

 സിലിണ്ടറിന് ചോർച്ച ഉണ്ടെങ്കിൽ  ? 1906 ൽ വിളിക്കുക 

ഒഴിഞ്ഞ ഗ്യാസ്  സിലിണ്ടർ മാറ്റി വയ്ക്കെണ്ടി വന്നു. പുതിയത് ഫിറ്റ്‌ ചെയ്യാൻ ശ്രമിച്ചപ്പോൾ സിലിണ്ടറിന് ചോർച്ച ഉണ്ടെന്നു മനസ്സിലായി .റെഗുലേറ്റർ  ഓഫ് ചെയ്തു. ഒന്നോ രണ്ടോ ഏജൻസികളെ വിളിച്ചു, പക്ഷേ ഞായറാഴ്ച ആയതിനാൽ അവർ പ്രതികരിച്ചില്ല. നാളെ (തിങ്കളാഴ്ച ) വരാമെന്നു  അവർ പറഞ്ഞു. എന്തെങ്കിലും അടിയന്തിര നമ്പർ ഉണ്ടോ എന്ന് ആലോചിച്ചു , അതിനാൽ Google പരീക്ഷിച്ചു. ഗൂഗിൾ 1906  വിളിക്കാൻ ആണ് വിവരം നൽകിയത് .വിളിച്ചുനോക്കി. ഒരു സ്ത്രീ ഫോൺ എടുത്ത് ഹിന്ദിയിൽ സംസാരിച്ചു. പ്രശ്നം അവരോടു വിശദീകരിച്ചു. ഒരു മണിക്കൂറിനുള്ളിൽ ഒരാൾ വരുമെന്നും ശരിയാക്കിത്തരുമെന്നും   അവർ പറഞ്ഞു. സന്ദർശനത്തിന് നിരക്ക് ഈടാക്കുന്നില്ലെന്നും അതിനാൽ ട്യൂബ് മോശമായില്ലെങ്കിൽ പണം നൽകേണ്ടതില്ലെന്നും അവർ പറഞ്ഞു. അതിശയിപ്പിച്ചുകൊണ്ട് ഒരാൾ  അരമണിക്കൂറിനുള്ളിൽ വരികയും പരിശോധിക്കുകയും സിലിണ്ടറിലേക്ക് ഒരു പുതിയ വാഷർ ഇടുകയും ചെയ്തു. ഇതൊരു ചെറിയ പ്രവർത്തിയാണെന്നു  അദ്ദേഹം പറഞ്ഞു. പ്രതിഫലമൊന്നും അദ്ദേഹം സ്വീകരിച്ചില്ല. കേന്ദ്രസർക്കാരിൽ നിന്ന് സമയത്തിനുള്ളിൽ സേവനം നൽകി. ഒരു മണിക്കൂറിനു ശേഷം യുവതി വീണ്ടും ഫോൺ ചെയ്തു, ശരിയാക്കിയോ എന്ന് അന്വേഷിച്ചു.


നിങ്ങളുടെ അറിയപ്പെടുന്ന ബന്ധുക്കൾക്കും സുഹൃത്തുക്കൾക്കും ഈ ടെലിഫോൺ നമ്പർ പങ്കിടുക. ഇത് 1906 ആണ്.

ഇത് 24x7 സേവനമാണ്, എല്ലാ എൽ‌പി‌ജി കമ്പനികളെയും ഉൾക്കൊള്ളുന്നു.

നമുക്കെല്ലാവർക്കും ഉപകാരപ്രദമായതുകൊണ്ട്  പങ്കിട്ടതാണ് ......(.From whats app group  "Sivapuram kilikkoode " )

Friday, July 2, 2021

സ്ത്രീ​ക​ളു​ടെ പ്ര​ശ്ന​ങ്ങ​ൾ​ക്ക് ‘കാ​തോ​ര്‍​ത്ത് '9447030947

 സ്ത്രീ​ക​ളു​ടെ പ്ര​ശ്ന​ങ്ങ​ൾ​ക്ക് ‘കാ​തോ​ര്‍​ത്ത് '

ബഹു.കേരള മുഖ്യമന്ത്രിയുടെ പത്തിന പരിപാടിയുടെ ഭാഗമായി സമൂഹത്തില്‍


വിവിധ തരം പ്രശ്നങ്ങള്‍ നേരിടുന്ന സ്ത്രീകള്‍ക്കു സ്വന്തം താമസസ്ഥലത്തു നിന്നു തന്നെ ഓണ്‍ലൈനായി കൗണ്‍സലിംഗ്, നിയമസഹായം, പോലീസ് സഹായം എന്നിവ ലഭ്യമാക്കുന്നതാണ് പദ്ധതിയുടെ ഉദ്ദേശ ലക്ഷ്യം. ഇതിലൂടെ അവര്‍ക്ക് യാത്രാക്ലേശം, സമയ നഷ്ടം, എന്നിവ ഒഴിവാക്കാവുന്നതോടൊപ്പം അടിയന്തിര പരിഹാരം ലഭ്യമാക്കുവാനും കഴിയുന്നു.

http://kathorthu.wcd.kerala.gov.in/

ക​ണ്ണൂ​ർ: സ്ത്രീ​ക​ളു​ടെ വി​വി​ധ പ്ര​ശ്‌​ന​ങ്ങ​ള്‍ ഓ​ണ്‍​ലൈ​നാ​യി കേ​ള്‍​ക്കു​ന്ന​തി​നും 48 മ​ണി​ക്കൂ​റി​നു​ള്ളി​ല്‍ ആ​വ​ശ്യ​മാ​യ പ​രി​ഹാ​ര​ങ്ങ​ള്‍ ല​ഭ്യ​മാ​ക്കു​ന്ന​തി​നു​മാ​യി 'കാ​തോ​ര്‍​ത്ത്'​ഓ​ണ്‍​ലൈ​ന്‍ ക​ണ്‍​സ​ള്‍​ട്ടേ​ഷ​ന്‍ പ​ദ്ധ​തി. 

വ​നി​താ ശി​ശു​വി​ക​സ​ന വ​കു​പ്പ് മു​ഖേ​ന ന​ട​പ്പാ​ക്കു​ന്ന മ​ഹി​ളാ​ശ​ക്തി കേ​ന്ദ്ര പ​ദ്ധ​തി​യു​ടെ കീ​ഴി​ല്‍ ജി​ല്ലാ​ത​ല​ത്തി​ല്‍ ആ​രം​ഭി​ച്ച ഡി​സ്ട്രി​ക്ട് ലെ​വ​ല്‍ സെ​ന്‍റ​ര്‍ ഫോ​ര്‍ വു​മ​ണി​ന്‍റെ (ഡി​എ​ല്‍​സി​ഡ​ബ്ല്യു) മേ​ല്‍​നോ​ട്ട​ത്തി​ലാ​ണ് ഇ​ത് പ്ര​വ​ര്‍​ത്തി​ക്കു​ന്ന​ത്. സേ​വ​നം ആ​വ​ശ്യ​മാ​യ സ്ത്രീ​ക​ള്‍ www.kathorthu.wcd. kerala.gov.in എ​ന്ന പോ​ര്‍​ട്ട​ലി​ല്‍

 പേ​ര്,

 അ​ടി​സ്ഥാ​ന വി​വ​ര​ങ്ങ​ള്‍, 

സേ​വ​നം ആ​വ​ശ്യ​മാ​യ സ​മ​യം 

എ​ന്നി​വ ര​ജി​സ്റ്റ​ര്‍ ചെ​യ്യ​ണം. 

കൗ​ണ്‍​സ​ലിം​ഗ്, നി​യ​മ സ​ഹാ​യം, പോ​ലീ​സ് സ​ഹാ​യം എ​ന്നീ സേ​വ​ന​ങ്ങ​ളാ​ണ് പോ​ര്‍​ട്ട​ലി​ലൂ​ടെ ല​ഭ്യ​മാ​വു​ക.

ഓ​ണ്‍​ലൈ​ന്‍ ക​ണ്‍​സ​ള്‍​ട്ടേ​ഷ​ന്‍

 ലീ​ഗ​ല്‍ ആ​ൻ​ഡ് സൈ​ക്കോ​ള​ജി​ക്ക​ല്‍ കൗ​ണ്‍​സ​ലേ​ഴ്‌​സ്,

സൈ​ക്കോ​ള​ജി​സ്റ്റ്,

 പോ​ലീ​സ് എ​ന്നി​വ​രു​ടെ സേ​വ​നം പോ​ര്‍​ട്ട​ല്‍ മു​ഖേ​ന ല​ഭി​ക്കും. 

ഫോ​ണ്‍: 9447030947.

പ്രവര്‍ത്തനം എങ്ങനെ ?

വനിതാ ശിശു വികസന വകുപ്പു മുഖേന നടപ്പാക്കുന്ന മഹിള ശക്തി കേന്ദ്ര പദ്ധതിയിന്‍ കീഴില്‍ ജില്ലാതലത്തില്‍ District Level Centre for Women രൂപീകരിച്ചിട്ടുണ്ട്. ഇവയുടെ മേല്‍നോട്ടത്തില്‍ സേവനം ആവശ്യമായ സ്ത്രീകള്‍ക്ക് പദ്ധതിയ്ക്കായി പ്രത്യേകം രൂപീകരിച്ച portal – ല്‍ രജിസ്റ്റര്‍ ചെയ്യാവുന്നതും കൗണ്‍സലിംഗ്, നിയമസഹായം, പോലീസ് സഹായം എന്നിവ അടിസ്ഥാനമാക്കി തരം തിരിച്ച് ബന്ധപ്പെട്ട കണ്‍സള്‍ട്ടന്റ്മാര്‍ക്ക് കൈമാറുകയും അവര്‍ നല്‍കുന്ന സമയം (appointment) പരാതിക്കാരിയെ അറിയിക്കുകയും ആയതു പ്രകാരം ഓണ്‍ലൈന്‍ ആയി കണ്‍സള്‍ട്ടന്റ്മാരുടെ സേവനം അപേക്ഷകക്ക് യഥാസമയം ലഭ്യമാക്കുന്നതുമാണ്. ഓണ്‍ലൈന്‍ കണ്‍സള്‍ട്ടേഷനു ലീഗല്‍ ആന്റ് സൈക്കോളജിക്കല്‍ കൗണ്‍സിലേഴ്സ്, സൈക്കോളജിസ്റ്റ്, എന്നിവരുടെ ലിസ്റ്റില്‍ നിന്നും പ്രാപ്തരായ താല്‍പര്യമുള്ളവരുടെ പാനല്‍ തയ്യാറാക്കുകയും ഇവരുടെ വിവരം മഹിളാ ശക്തി കേന്ദ്ര(MSK) മുഖാന്തിരം ലഭ്യമാക്കുകയും സേവനം നല്‍കുകയും ചെയ്യുന്നതാണ്. പോലീസ് സഹായം ആവശ്യമുള്ള പക്ഷം Women cell ന്റെ സേവനം പോർട്ടൽ മുഖേന ലഭിയ്ക്കുന്നതാണ്.

എന്റെ വിവരങ്ങളുടെ സ്വകാര്യതയെക്കുറിച്ച്?

നിങ്ങളില്‍ നിന്നും ശേഖരിച്ച വിവരങ്ങള്‍ വകുപ്പിന്റെ പാനലില്‍ ഉള്ള ലീഗല്‍ ആന്റ് സൈക്കോളജിക്കല്‍ കൗണ്‍സിലേഴ്സ്, സൈക്കോളജിസ്റ്റ്, പോലീസ് എന്നിവയുമായി മാത്രമേ പങ്കിടൂ. നിങ്ങൾക്ക് മൂന്നാം കക്ഷി ഉൽപ്പന്നങ്ങളോ സേവനങ്ങളോ പരസ്യം ചെയ്യാനോ പ്രോത്സാഹിപ്പിക്കാനോ വിപണനം ചെയ്യാനോ ഞങ്ങൾ ഒരിക്കലും നിങ്ങളുടെ സ്വകാര്യ ഡാറ്റ ഉപയോഗിക്കില്ല. കൂടാതെ, നിങ്ങളുടെ സ്വകാര്യ ഡാറ്റകളൊന്നും ഞങ്ങൾ ലൈസൻസ് ചെയ്യുകയോ പ്രസിദ്ധീകരിക്കുകയോ ചെയ്യില്ല. മൂന്നാം കക്ഷികൾക്ക് അവരുടെ വാണിജ്യപരമായ ഉപയോഗത്തിനായി ഞങ്ങൾ സ്വകാര്യ ഡാറ്റയൊന്നും വിൽക്കുകയോ വിൽക്കുകയോ ചെയ്യില്ല.

സേവനത്തിന് എന്തെങ്കിലും സാങ്കേതിക ആവശ്യമുണ്ടോ?

വീഡിയോ കൺസൾട്ടേഷൻ വഴിയായതിനാൽ, സൂം പോലുള്ള സുരക്ഷിത വീഡിയോ കോൺഫറൻസിംഗ് ആപ്ലിക്കേഷനുകളുള്ള അതിവേഗ ഇന്റർനെറ്റ് കണക്റ്റിവിറ്റി ആവശ്യമാണ്. ക്യാമറയും മൈക്കും ഉപയോഗിച്ച് സ്മാർട്ട് ഫോൺ / ലാപ്‌ടോപ്പ് / ഡെസ്‌ക്‌ടോപ്പ് ഉപയോഗിച്ച് മീറ്റിംഗ് നടത്താം.

സേവനത്തിന് എന്തെങ്കിലും ഫീസ് ഉണ്ടോ?

കേരള സർക്കാരിന്റെ വനിതാ സംരക്ഷണ പരിപാടികളുടെ ഭാഗമായി കേരളത്തിലെ താമസക്കാരായ സ്ത്രീകള്‍ക്ക് തികച്ചും സൗജന്യമായിരിക്കും ഈ സേവനം

എന്റെ അപേക്ഷ എങ്ങനെ ട്രാക്കു ചെയ്യാനാകും?

നിങ്ങളുടെ രജിസ്ട്രേഷൻ നടക്കുമ്പോള്‍ തന്നെ നിങ്ങൾക്ക് എസ്എംഎസും ഇമെയിൽ അറിയിപ്പും ലഭിക്കും . കൂടാതെ 48 മണിക്കൂറിനുള്ളിൽ നിങ്ങൾക്ക് വീഡിയോ കോണ്‍ഫറന്‍സ് തരപ്പെടുത്തിയ SMS അപ്‌ഡേറ്റുകളും ലഭിക്കും.


Thursday, July 1, 2021

രണ്ട് പ്രധാന IRPC പ്രവർത്തനങ്ങൾ

രണ്ട് പ്രധാന IRPC പ്രവർത്തനങ്ങൾ 

അഭിനന്ദനങ്ങൾ !:പ്രിയ സുഹൃത്തുക്കളേ, കൊട്ടയാട് ലോക്കലിന്റെ പരിധിയിൽ താമസിക്കുന്ന ഒരു രോഗിക്ക്  കാലിനുള്ള ഗുരുതരമായ മുറിവു കാരണം യൂറോപ്പിയൻ മാതൃകയിലുള്ള ടോയിലറ്റ് ക്രമീകരണം അടിയന്തിരമായി ഏർപ്പെടുത്താനുള്ള ഒരു നിർദ്ദേശം വന്നിരുന്നു . ഈ ഉദ്ദേശത്തിലേക്ക്  3500-5000 രൂ ചെലവു പ്രതീക്ഷിച്ചിരുന്നു .എന്നാൽ ഇ  തിലേക്കു നമ്മുടെ ഗ്രൂപ്പിൽ നിന്നും   ധനസഹായം കണ്ടെത്താൻ കഴിഞ്ഞിരുന്നില്ല . അതിൻ്റെ  ആവശ്യമില്ലാതെ തന്നെ   ഇതിനു വേണ്ടുന്ന തുക കൂടി  പ്രാദേശികമായി കണ്ടെത്തി ( ഇതിനു പുറമേ , പ്രാദേശികമായിഈ രോഗിയുടെ ചികിത്സാർത്ഥം ഏതാണ്ട് 35000 രൂപയോളം കണ്ടെത്താൻ ഇവർക്ക് കഴിഞ്ഞു എന്നാണ് മനസ്സിലാക്കാൻ കഴിയുന്നത് )  രോഗിക്ക് വേണ്ടുന്ന അടിയന്തിര ക്രമീകരണങ്ങൾ ഏർപ്പാടാക്കിയ സഖാക്കളെയും വളണ്ടിയർ മാരേയും പ്രത്യേകിച്ച് ഈ  പ്രവർത്തനത്തിന് നേതൃത്വം നൽകിയ ഗണേശൻ , ബൈജു തുടങ്ങിയ IRPC പ്രവർത്തകരെയും   പ്രത്യേകം അഭിനന്ദിക്കുന്നു . - കൺവീനർ 


ഈ പ്രവർത്തനത്തിൽ IRPC  വളണ്ടിയർ കൂടിയായ സൗമ്യ (PHC PERINGOME )യുടെ പങ്കാളിത്തം അഭിനന്ദനമർഹിക്കുന്നു.

Sunday, June 27, 2021

സബ് ഇൻസ്‌പെക്ടർ ആനി ശിവയുടെ കഥ !

സബ് ഇൻസ്‌പെക്ടർ ആനി ശിവയുടെ കഥ !



2014 ജൂണിലായിരുന്നു തിരുവനന്തപുരത്തെ പ്രമുഖ പി എസ്‌ സി കോച്ചിങ് കേന്ദ്രമായ ലക്ഷ്യയിൽ എസ്‌ ഐ ക്കു വേണ്ടിയുള്ള ക്രാഷ് കോഴ്‌സിന് ഞാൻ ജോയിൻ ചെയ്തത്. ആഗസ്റ്റ് 2 ന് നടന്ന SI പരീക്ഷ ആയിരുന്നു ലക്ഷ്യം. ഫീസ് കൊടുക്കുവാനുള്ള പൈസ ഒന്നും ഉണ്ടായിരുന്നില്ല, എന്റെ ചങ്ക് ബ്രോ ആയിരുന്നു ഫീസ് അടക്കാൻ കാശ് തന്നതും ബുക്കും പേനയും മറ്റ് അത്യാവശ്യ സാധനങ്ങൾ മേടിച്ചു തന്നതും പഠിക്കാൻ പ്രോത്സാഹനം തന്നതും.

അവിടെ എനിക്ക് രണ്ടു സുഹൃത്തുക്കളെ കംബൈൻഡ് സ്റ്റഡിക്കു കിട്ടി. അഭിയും (Abhilash A Arul) രാകേഷും (Rakesh Mohan). നമ്മൾ മൂന്നു പേരും ഉച്ച വരെയുള്ള പി എസ് സി ക്ലാസ് കഴിഞ്ഞു പഠിക്കാൻ ഇരിക്കും. ഞാൻ ആഹാരം കൊണ്ട് പോകാത്ത ദിവസങ്ങളിൽ അഭിയും രാകേഷും കൊണ്ട് വന്ന ആഹാരം കഴിച്ചു ഞാനും വിശപ്പടക്കിയിരുന്നു. വൈകുന്നേരം മൂന്നര മണി ആകുമ്പോൾ അവിടുന്നിറങ്ങി എന്റെ ചങ്ക് ബ്രോയുടെ ഓൾഡ് കാവസാക്കി ബൈക്ക് ഉന്തി തള്ളി സ്റ്റാർട്ട് ചെയ്തു മോന്റെ സ്കൂളിൽ എത്തുമ്പോൾ നാല് മണി ആകും. അവിടെ നിന്നും മോനെ വിളിച്ചു ട്യൂഷൻ ടീച്ചറുടെ വീട്ടിൽ എത്തിച്ചു തിരിച്ചു വീണ്ടും ലക്ഷ്യയിലേക്ക് എന്റെ ലക്ഷ്യം എത്തിപ്പിടിക്കാനായി..മിക്കവാറും രാകേഷിന്റെ വക ഒരു കട്ടൻ ചായയും കടിയും. പഠിത്തം വീണ്ടും തുടരും രാത്രി ഏഴെട്ടു മണി വരെ. അത് കഴിഞ്ഞു സുഹൃത്തുക്കളോട് ബൈ പറഞ്ഞിറങ്ങി ബൈക്ക് എടുത്തു പോകുമ്പോഴും എന്റെ മനസ് നിറയെ പഠിച്ച കാര്യങ്ങൾ അയവിറക്കുകയായിരിക്കും. പിന്നെന്റെ മകൻ ചൂയി കുട്ടന്റെ ലോകത്തേക്ക്. അവന്റെ വിശേഷങ്ങളും പരിഭവങ്ങളും കേട്ടു ആഹാരം കഴിച്ചു അവനെ അവന്റെ ലോകത്തേക്ക് വിട്ടു ഞാൻ പഠിക്കാൻ ഇരിക്കും. അവൻ ചിത്രം വരക്കൽ, കളർ ചെയ്യൽ, കാർട്ടൂൺ കാണൽ ഇതിന്റെ ഇടയിലൂടെ ബോൾ കളി അങ്ങനെ അവൻ പതിനൊന്നു മണി വരെ സമയം കളയും. അത് കഴിഞ്ഞാണ് ഉറക്കo, അതായിരുന്നു പതിവ്..


ബെഡ്‌റൂം ആയിരുന്നു എന്റെ പഠന ലോകം. ചെറുപ്പം മുതൽക്കേ ഉറക്കം തീരെ കുറവായിരുന്നതിനാൽ ഉറക്കം കളഞ്ഞുള്ള പഠിത്തം എന്നെ ശാരീരികമായി ബാധിച്ചില്ല. രാവിലെ നാലു മണി വരെയോ അഞ്ച് മണി വരെയോ പഠിത്തം തുടരുമായിരുന്നു. ഞാൻ ഒന്നും കാണാപാഠം പഠിക്കാറില്ലായിരുന്നു. പഠിക്കേണ്ട കാര്യങ്ങൾ പേപ്പറിൽ വിവിധ കളർ പേന കൊണ്ട് എഴുതി ബെഡ്‌റൂമിൽ ഒട്ടിച്ചു വക്കും എന്നിട്ടു രണ്ടുഎഴുത്തിന്റെ കളർ, അക്ഷരങ്ങൾ, പേപ്പർ ഒട്ടിച്ചിരിക്കുന്ന സ്ഥലം എന്നിവ വച്ച് എനിക്ക് ആ കാര്യം പിന്നെ എപ്പോൾ വേണേലും ഓർമിച്ചെടുക്കാൻ സാധിക്കുമായിരുന്നു. അങ്ങനെ ബെഡ്‌റൂം മുഴുവൻ പേപ്പർ കൊണ്ട് നിറഞ്ഞു. അലമാരയിലെ കണ്ണാടിയിൽ വരെ കേരള നവോത്ഥാന നായകന്മാരുടെ ജീവിതം അങ്ങനെ പ്രതിഫലിച്ചു നിന്നു. ഈ രീതിയിൽ പഠിച്ചത് കൊണ്ടാകാം ഒന്നര മാസം കൊണ്ട് 10 ടോപ്പിക്സുള്ള സിലബസും ലാസ്റ്റ് ഒരു വർഷത്തെ തൊഴിൽ വീഥിയും തൊഴിൽ വാർത്തയും പി എസ് സി ബുള്ളറ്റിനും ഒക്കെ കവർ ചെയ്യാനായത്.


എന്നത്തേയും പോലെ ഞാൻ അന്നും മോനെ അവന്റെ ലോകത്തേക്ക് കളിയ്ക്കാൻ വിട്ടിട്ടു പഠിക്കാൻ ഇരുന്നു. മോൻ ഇടയ്ക്കിടയ്ക്ക് ബാത്‌റൂമിൽ പോകുന്നത് കണ്ടു ഞാൻ അവനോടു ചോദിച്ചു എന്താന്ന് അവൻ പറഞ്ഞു കളർ ചെയ്യാൻ വേണ്ടി വെള്ളം എടുക്കുന്നതാണെന്നു. ഞാൻ പഠിത്തത്തിൽ മുഴുകി.. മൂന്നു വട്ടം അത് വായിക്കും. പിന്നെ ഞാൻ മറക്കില്ല അതായിരുന്നു എന്റെ പഠന രീതി..ഫ്ലാസ്കിൽ നിന്നും കട്ടൻ പകർന്നു കുടിച്ച് സമയം നോക്കിയപ്പോൾ പതിനൊന്നേകാൽ കഴിഞ്ഞു. മോനോട് പറഞ്ഞു ഇന്നത്തേക്ക് മതി വന്നു കിടക്കെന്ന്. അപ്പോൾ അവൻ മടിച്ചു മടിച്ചു എന്റെ അടുത്ത് വന്നിട്ട് പറഞ്ഞു "എന്റെ തല മുറിഞ്ഞോന്നൊരു തംശയം. ചോര വരുന്നൂന്ന് തോന്നണ്." ഞാൻ പെട്ടെന്ന് പിടിച്ചു നിർത്തി നോക്കിയപ്പോൾ തല നന്നായി മുറിഞ്ഞിട്ടുണ്ട് ചോരയും ഉണ്ട്. അവന്റെ കണ്ണിൽ നിന്നും കണ്ണുനീർ ഒഴുകുന്നു, പക്ഷെ കരയുന്നില്ല. ഞാൻ പെട്ടെന്ന് അവനെയും എടുത്തു ബൈക്ക് സ്റ്റാർട്ട് ചെയ്യാനായി ഇറങ്ങുമ്പോൾ എന്റെ പ്രാർത്ഥന ബൈക്ക് ഒന്ന് സ്റ്റാർട്ട് ആകണേ എന്നായിരുന്നു. എന്റെ പ്രാർത്ഥന കേട്ടതുപോലെ ആദ്യ കിക്കിൽ തന്നെ ബൈക്ക് സ്റ്റാർട്ട് ആയി.


മോനെ ആശുപത്രിയിൽ എത്തിച്ചു. ഡോക്ടർ സ്റ്റിച്ച് ഇടുന്നതിനിടക്ക് എന്നോട് ചോദിച്ചു ഇതെപ്പഴാ മുറിഞ്ഞതെന്നു ഞാൻ പറഞ്ഞു അധിക സമയം ആയില്ലാന്ന്. അപ്പോൾ മോൻ കരഞ്ഞോണ്ട് പറഞ്ഞു ലിറ്റിൽ കൃഷ്ണ നടന്നോണ്ടിരുന്നപ്പോൾ ബാൾ കളിക്കുന്നതിനിടയിൽ അവിടത്തെ പെട്ടിയിൽ തല തട്ടി മുറിഞ്ഞതെന്നു. ഞാൻ കട്ടിലിലങ്ങ് ഇരുന്നു പോയി യാന്ത്രികമായി തന്നെ. കാരണം ലിറ്റിൽ കൃഷ്ണ കാർട്ടൂൺ ഒമ്പതരക്ക് തീരും അപ്പോൾ ഇത്രയും സമയം അവൻ വേദന സഹിച്ചൂന്നോ. എനിക്കത് താങ്ങാനായില്ല. എനിക്കെന്റെ ശരീരം തളരുന്ന പോലെ തോന്നി.


ഡോക്ടർ ചോദിച്ചു "തല മുറിഞ്ഞപ്പോൾ മോൻ ആരോടെങ്കിലും പറയാത്തത് എന്താ" ന്ന്. അപ്പോൾ മോൻ പറഞ്ഞു "തല മുറിഞ്ഞത് മുതൽ ഞാൻ മുറിവ് വെള്ളം കൊണ്ട് കഴുകി അവിടെ ഇരുന്ന മരുന്നും വച്ച് നോക്കി. പക്ഷെ ചോര വന്നോണ്ടിരുന്നു. എന്റെ അപ്പ (എന്നെ മോൻ അങ്ങനെ ആണ് വിളിക്കുന്നത്) പോലീസാകാൻ വേണ്ടി പഠിച്ചോണ്ടിരിക്കുവായിരുന്നു. അപ്പയെ ശല്യപ്പെടുത്തണ്ടന്നു വിചാരിച്ചാണ് ഞാൻ കരയാതിരുന്നതും പറയാതിരുന്നതും." ഡോക്ടർ നിസ്സംഗതയോടെ എന്നെ നോക്കി. ഞാൻ മോനെ വാരിയെടുത്ത് കുറെ ഉമ്മ കൊടുത്ത് മടിയിൽ ഇരുത്തി...അവനെ ഇറുക്കി കെട്ടിപ്പിടിച്ചുകൊണ്ട് ഡോക്ടറോട് ഞാൻ പറഞ്ഞു: "വന്നപ്പോൾ എന്നോട് ഡോക്ടർ ചോദിച്ചില്ലേ മുതിർന്നവർ ആരുമില്ലേ കൂടെ വരാൻ എന്ന്. ഞാൻ ഇവന്റെ ചേട്ടൻ അല്ല, ഇവന്റെ അമ്മയാണ്." അത് കേട്ട് അപ്പൂപ്പനായ ആ ഡോക്ടർ ഞെട്ടിയോ എന്നോരു സംശയം. ഞാൻ തുടർന്നു, "വീട്ടിൽ വേറെ ആരുമില്ല ഞാനും ഇവനും മാത്രമേ ഉള്ളൂ. ഞാൻ എസ്‌ ഐ പരീക്ഷക്ക് തയ്യാറെടുക്കുകയാണ്. ബെഡ്‌റൂമിൽ ഇരുന്നു പഠിക്കുവായിരുന്നു. മുറിഞ്ഞ കാര്യം ഞാനറിഞ്ഞില്ല, അറിയിച്ചുമില്ല. ഞാൻ പോലീസ് ആകണമെന്ന് എന്നെക്കാളധികം മോൻ ആഗ്രഹിക്കുന്നുണ്ടെന്ന് ഞാൻ ഇപ്പഴാ അറിഞ്ഞത്." എന്റെ ശബ്ദം ഇടറി.. കെട്ടിപ്പിടിത്തം ഒന്നു കൂടെ മുറുക്കി ഞാനവന് ഒരു മുത്തം കൂടെ നൽകി..


ഡോക്ടർ മോന്റെ കവിളത്തു പിടിച്ചിട്ടു പറഞ്ഞു "നിന്റെ ഈ നിഷ്കളങ്കത…നീ ചിന്തിയ ചോരക്കു പകരം മോന്റെ അമ്മ ഉറപ്പായും കാക്കി യൂണിഫോം ഇടും. ഉറപ്പായും ദൈവം അതിന് സഹായിക്കും.."


വീട്ടിൽ വന്ന് ഞാൻ ഒന്നും മിണ്ടിയില്ല, മോനും. എന്റെ നെഞ്ചത്ത് തല വച്ച് മോൻ കിടന്നു. അവന്റെ ദേഹത്ത് ഞാൻ തഴുകിക്കൊണ്ടേയിരുന്നു. കുറേ നേരം കഴിഞ്ഞപ്പോൾ മോൻ പറഞ്ഞു, "ഇനി ഇതുപോലുണ്ടായാൽ അപ്പയോട് ഞാൻ പറയാം പ്രോമിസ്. എന്നോട് കട്ടീസ് ഇടല്ലേ.."


അത്രയും നേരം നിശബ്ദമായി എന്റെ കവിളിലൂടെ ഒഴുകിയ കണ്ണുനീരിന് പെട്ടെന്ന് ശബ്ദം വച്ചു. കണ്ണുനീരിന്റെ ഒഴുക്ക് കുഞ്ഞു കൈകൾ കൊണ്ട് തടഞ്ഞു മോൻ പറഞ്ഞു "ഐ ലവ് യു അപ്പാ.. ഐ ലവ് യൂ ഹൻഡ്രഡ് മച്ച്..".

.FACEBOOK POST BY ANI SIVA , S I, VARKALA