കഥ :സാലറി .... ബാലചന്ദ്രൻ എരവിൽ

കഥ
സാലറി
.... ബാലചന്ദ്രൻ എരവിൽ
അലവൻസ് 2750
രണ്ട് ദിവസത്തെ സാലറി 6000
ആകെ 8750 രൂപയുടെ പ്രളയ നഷ്ടം ...
സൂപ്രണ്ട് കരുണാകരൻ സാർ ഉറങ്ങിയിട്ട് ഒരാഴ്ചയായി .
തിരിഞ്ഞും മറിഞ്ഞും കിടന്നു നോക്കി
ഉറക്കം വരുന്നില്ല.
വീട്ടിലെ ഓണസദ്യ,
ഭാര്യക്കും പിള്ളാർക്കുമുള്ള ഓണക്കോടി
എല്ലാം ഒഴിവാക്കി;
എന്നിട്ടും വല്ലാത്ത നിരാശ...
മിക്ക സമയങ്ങളിലും കിടപ്പു തന്നെ.
പരസ്പര വിരുദ്ധമായ സംസാരം.
ഇനിയും രണ്ടു വർഷം കൂടിയുണ്ടത്രേ സർവീസ്...
അതിനു ശേഷം എന്ത് പ്രളയമോ ഭൂകമ്പമോ
വന്നാൽ മതിയായിരുന്നു...
ബിഗ് ബോസിന്റെ ബ്രേക്കിൽ
 ന്യൂസ് ചാനലിലേക്ക് ഒന്ന് പോയപ്പോഴാണ്
സ്ക്രോൾ ചെയ്തു പോകുന്ന വാർത്ത മകൻ ശ്രദ്ധിച്ചത്.
ഉടൻ തന്നെ ചാനൽ മാറ്റി അവൻ അച്ഛന്റെ ജീവൻ രക്ഷിച്ചു ...
രാത്രി ഉറങ്ങാൻ കിടന്നപ്പോൾ അവന്റെ മനസ്സിലൂടെ ആ സ്ക്രോൾ മിന്നി മാഞ്ഞു;
'സർക്കാർ ജീവനക്കാർ പ്രളയ ദുരിതാശ്വാസ നിധിലേക്ക് ഒരു മാസശമ്പളം നൽകണമെന്ന...!!'
*******************************************************************



( 3 ദിവസങ്ങൾ വീതം 10 മാസം കൊണ്ട് മതി സൂപ്രണ്ട് സാറേ - എന്ന് വായനക്കാരൻ )