വി​ശ്വ​മാ​ന​വ​നാ​യ ഡോ. ​എ​ഡ്വേ​ർ​ഡ് ജെ​ന്ന​ർ

 വി​ശ്വ​മാ​ന​വ​നാ​യ ഡോ. ​എ​ഡ്വേ​ർ​ഡ് ജെ​ന്ന​ർ 

വ​സൂ​രി​യു​ടെ വൈ​റ​സു​ക​ളെ മ​നു​ഷ്യ​രി​ൽ നി​ക്ഷേ​പി​ക്കു​ന്ന രീ​തി ഒ​രി​ക്ക​ൽ ലോ​ക​മെ​ങ്ങും വ്യാ​പി​ക്കു​മെ​ന്നാ​ണ് ഞാ​ൻ പ്ര​തീ​ക്ഷി​ക്കു​ന്ന​ത്. അ​ന്ന് ഭൂ​മു​ഖ​ത്തു​നി​ന്നു​ത​ന്നെ വ​സൂ​രി അ​പ്ര​ത്യ​ക്ഷ​മാ​കും. എ​ഡ്വേ​ർ​ഡ് ജെ​ന്ന​ർ ര​ണ്ടേ​കാ​ൽ നൂ​റ്റാ​ണ്ടു മു​ന്പു പ​റ​ഞ്ഞ​ത്. 

അ​തു​ത​ന്നെ സം​ഭ​വി​ച്ചു. 1980 മേ​യ് എ​ട്ടി​ന് ലോ​കാ​രോ​ഗ്യ​സം​ഘ​ട​ന വ​സൂ​രി​യെ നി​ർ​മാ​ർ​ജ​നം ചെ​യ്ത​താ​യി പ്ര​ഖ്യാ​പി​ച്ചു. 

ക​ഥ​യു​ടെ സ​സ്പെ​ൻ​സ് ആ​ദ്യം പ​റ​ഞ്ഞാ​ൽ നി​ങ്ങ​ൾ​ക്ക് ഇ​ഷ്ട​പ്പെ​ടു​മോ​യെ​ന്ന് അ​റി​യി​ല്ല. പ​ക്ഷേ, അ​ത​ങ്ങു പ​റ​യു​ക​യാ​ണ്. വ​ലി​യൊ​രു നി​ധി കൈ​യി​ലു​ണ്ടാ​യി​ട്ടും ന​യാ​പൈ​സ​യു​ടെ സ​ന്പാ​ദ്യ​മു​ണ്ടാ​ക്കാ​തെ ജീ​വി​ച്ച, ഇ​ക്കാ​ല​ത്ത് പ​ല​രും മ​ണ്ട​നെ​ന്നു വി​ളി​ക്കാ​നി​ട​യു​ള്ള ഒ​രു മ​ഹാ​ന്‍റെ ക​ഥ​യാ​ണി​ത്. 

കു​റ​ച്ചു​കൂ​ടി തെ​ളി​ച്ചു പ​റ​യാം.

ലോ​ക​ത്ത് ഏ​റ്റ​വും വ​ലി​യ കോ​ടീ​ശ്വ​ര​നാ​കാ​ൻ അ​വ​സ​ര​മു​ണ്ടാ​യി​രു​ന്ന ഒ​രു മ​നു​ഷ്യ​നു​ണ്ടാ​യി​രു​ന്നു. എ​ഡ്വേ​ർ​ഡ് ജെ​ന്ന​ർ. അ​ദ്ദേ​ഹ​മാ​ണ് വാ​ക്സി​ൻ ക​ണ്ടു​പി​ടി​ച്ച​ത്. 

20-ാം നൂ​റ്റാ​ണ്ടി​ൽ മാ​ത്രം മൂ​ന്നു കോ​ടി മ​നു​ഷ്യ​രു​ടെ ജീ​വ​ന​പ​ഹ​രി​ച്ച വ​സൂ​രി​യു​ടെ കാ​ര്യ​മാ​ണ് പ​റ​യു​ന്ന​ത്. വാ​ക്സി​ൻ ക​ണ്ടു​പി​ടി​ച്ച​തും നി​ർ​മി​ച്ച​തും വി​ത​ര​ണം ചെ​യ്ത​തു​മെ​ല്ലാം അ​ദ്ദേ​ഹം ത​ന്നെ. പ​ക്ഷേ, അ​ദ്ദേ​ഹം അ​തി​നു പേ​റ്റ​ന്‍റ് എ​ടു​ക്കു​ക​യോ മ​റ്റാ​രും ഉ​പ​യോ​ഗി​ക്ക​രു​തെ​ന്നു പ​റ​യു​ക​യോ ചെ​യ്തി​ല്ല. സ​ന്പ​ന്ന​ൻ അ​ല്ലാ​തി​രു​ന്നി​ട്ടും ഓ​രോ ഡോ​സി​നും ഇ​ത്ര​രൂ​പ ത​നി​ക്കു കി​ട്ട​ണ​മെ​ന്നു വാ​ശി​പി​ടി​ച്ചി​ല്ല. മാ​ത്ര​മ​ല്ല, അ​ത് സ​ക​ല​ർ​ക്കും സൗ​ജ​ന്യ​മാ​യി​രി​ക്ക​ണ​മെ​ന്നു നി​ർ​ബ​ന്ധം പി​ടി​ക്കു​ക​യും ചെ​യ്തു. അ​ധ്വാ​ന​ത്തി​ന്‍റെ പ്ര​തി​ഫ​ലം പോ​ലും എ​ടു​ക്കാ​തെ വി​ത​ര​ണം ചെ​യ്തി​ട്ടും ക​രു​ണ​കൊ​ണ്ടാ​ണ് താ​നി​ങ്ങ​നെ ചെ​യ്യു​ന്ന​തെ​ന്ന് അ​വ​കാ​ശ​പ്പെ​ട്ടു​മി​ല്ല. എ​ന്താ​ല്ലേ? 

ഇം​ഗ്ല​ണ്ടി​ലാ​ണ് ക​ഥ ന​ട​ക്കു​ന്ന​ത്. വ​സൂ​രി പി​ടി​പെ​ടു​ന്ന​വ​രി​ൽ 30 ശ​ത​മാ​ന​വും കു​ട്ടി​ക​ളി​ൽ 80 ശ​ത​മാ​ന​വും മ​രി​ക്കു​ക​യാ​യി​രു​ന്നു. ലോ​കം പ​ക​ച്ചു​നി​ന്നു. എ​ന്തു വി​ല​കൊ​ടു​ത്തും അ​തി​നെ ചെ​റു​ക്കാ​ൻ രാ​ഷ്ട്ര​ങ്ങ​ൾ ത​യാ​റാ​യി​രു​ന്നു. പ​ക്ഷേ, എ​ഡ്വേ​ർ​ഡ് എ​ല്ലാം ക​ള​ഞ്ഞു​കു​ളി​ച്ചു. ത​ന്‍റെ ഉ​ന്ന​ത​മാ​യ ക​ണ്ടു​പി​ടി​ത്ത​മു​പ​യോ​ഗി​ച്ച് ന​യാ പൈ​സ ഉ​ണ്ടാ​ക്കാ​ൻ അ​യാ​ൾ ശ്ര​മി​ച്ചി​ല്ല. സ​ഹ​ജീ​വി​യു​ടെ പ്രാ​ണ​ന്‍റെ കാ​ര്യ​മാ​ണെ​ങ്കി​ലും കി​ട്ടി​യ ത​ക്ക​ത്തി​ന് കൊ​ള്ള​ലാ​ഭ​മു​ണ്ടാ​ക്കു​ന്ന​വ​രെ​യും അ​വ​രു​ടെ കൂ​ട്ടു​കാ​രെ​യും യാ​തൊ​രു ഉ​ളു​പ്പു​മി​ല്ലാ​തെ ന്യാ​യീ​ക​രി​ക്കു​ന്ന​വ​ർ​ക്ക് എ​ഡ്വേ​ർ​ഡ് ജീ​വി​ക്കാ​ന​റി​യാ​ത്ത മ​ണ്ട​നാ​ണ്, പ​ക്ഷേ, അ​ത്ത​രം മ​ണ്ട​ന്മാ​രു​ണ്ടാ​യി​രു​ന്ന​തു​കൊ​ണ്ടു​കൂ​ടി​യാ​ണ് ലോ​കം ഈ ​പു​രോ​ഗ​തി നേ​ടി​യ​തും ദ​രി​ദ്ര​ന്‍റെ പ​ക്ഷ​ത്തു​നി​ല്ക്കാ​ൻ ഇ​ന്നും ആ​ളു​ക​ളെ കി​ട്ടു​ന്ന​തും. അ​ത​വി​ടെ നി​ല്ക്ക​ട്ടെ. ക​ഥ​ക​ളെ വെ​ല്ലു​ന്ന കൗ​തു​ക​ങ്ങ​ളു​ള്ള ആ ​സം​ഭ​വം കേ​ൾ​ക്കാം. 

വേ​രി​യോ​ളേ​ഷ​ൻ 

വാ​ക്സി​നേ​ഷ​ന് മു​ന്പ് വൈ​റ​സി​നെ പ്ര​തി​രോ​ധി​ച്ചി​രു​ന്ന​ത് വേ​രി​യോ​ളേ​ഷ​ൻ ന​ട​ത്തി​യാ​ണ്. വ​സൂ​രി അ​ഥ​വാ സ്മോ​ൾ പോ​ക്സ് വൈ​റ​സി​ന്‍റെ പേ​രാ​ണ് വേ​രി​യോ​ള. വ​സൂ​രി​യു​ള്ള​യാ​ളു​ടെ ദേ​ഹ​ത്തെ കു​മി​ള​യി​ൽ​നി​ന്നു​ള്ള ദ്ര​വം ശേ​ഖ​രി​ച്ച് ആ​രോ​ഗ്യ​മു​ള്ള മ​റ്റൊ​രാ​ളു​ടെ കൈ​യു​ടെ പു​റ​മേ​യു​ണ്ടാ​ക്കു​ന്ന ചെ​റി​യ മു​റി​വി​ൽ നി​ക്ഷേ​പി​ക്കു​ന്നു. ഇ​ങ്ങ​നെ വേ​രി​യോ​ള ഇ​നോ​ക്കു​ലേ​ഷ​നി​ലൂ​ടെ (കു​ത്തി​വ​യ്പ്, ഗ്രാ​ഫ്റ്റിം​ഗ്) പ്ര​വേ​ശി​പ്പി​ക്കു​ന്ന​തി​നെ വേ​രി​യോ​ളേ​ഷ​ൻ എ​ന്നു പ​യും. അ​ങ്ങ​നെ സ്വീ​ക​രി​ക്കു​ന്ന​യാ​ളി​ലും വ​സൂ​രി​യു​ണ്ടാ​കും. പ​ക്ഷേ, സാ​ധാ​ര​ണ​ഗ​തി​യി​ൽ മാ​ര​ക​മ​ല്ലാ​യി​രി​ക്കും. അ​തേ​സ​മ​യം, ചി​ല​രി​ൽ അ​തു മാ​ര​ക​മാ​കു​ക​യും മ​രി​ക്കു​ക​യും ചെ​യ്തി​രു​ന്നു. അ​താ​യ​ത് രോ​ഗം വ​രാ​തി​രി​ക്കാ​ൻ ചെ​യ്ത ചി​കി​ത്സ​കൊ​ണ്ടു ത​ന്നെ ആ​ളു​ക​ൾ മ​രി​ക്കാ​നും സാ​ധ്യ​ത​യു​ണ്ട്. പ​ക്ഷേ, വേ​റെ മാ​ർ​ഗ​മി​ല്ല. സ​മൂ​ഹ​ത്തി​ലെ 60 ശ​ത​മാ​നം പേ​ർ​ക്ക് വ​സൂ​രി പ​ട​രു​ക​യും 30 ശ​ത​മാ​നം വ​രെ ആ​ളു​ക​ൾ മ​രി​ക്കു​ക​യും ചെ​യ്യു​ന്ന കാ​ല​ത്ത് വേ​രി​യോ​ളേ​ഷ​ൻ വ​ലി​യ കാ​ര്യ​മാ​യി​രു​ന്നു.

എ​ഡ്വേ​ർ​ഡ് ജെ​ന്ന​ർ

ഇ​ദ്ദേ​ഹ​മാ​ണ് രോ​ഗ​പ്ര​തി​രോ​ധ ശാ​സ്ത്ര​ത്തി​ന്‍റെ (വാ​ക്സി​നേ​ഷ​ൻ) പി​താ​വ് എ​ന്ന് അ​റി​യ​പ്പെ​ടു​ന്ന​ത്. ഇം​ഗ്ല​ണ്ടി​ലെ ബ​ർ​ക്ക്‌​ലി​യി​ലു​ള്ള സെ​ന്‍റ് മേ​രീ​സ് ആം​ഗ്ലി​ക്ക​ൻ ദേ​വാ​ല​യ​ത്തി​ലെ വി​കാ​രി​യാ​യി​രു​ന്ന സ്റ്റീ​ഫ​ൻ ജെ​ന്ന​റു​ടെ പു​ത്ര​നാ​യി 1749 മേ​യ് 17ന് ​ജ​ന​നം. സ്കൂ​ൾ വി​ദ്യാ​ഭ്യാ​സ​ത്തി​നു​ശേ​ഷം ഡാ​നി​യേ​ൽ ലു​ഡ്‌​ലോ എ​ന്ന സ​ർ​ജ​ന്‍റെ കീ​ഴി​ൽ അ​പ്ര​ന്‍റീ​സാ​യി. 21-ാമ​ത്തെ വ​യ​സി​ൽ ല​ണ്ട​നി​ലെ സെ​ന്‍റ് ജോ​ർ​ജ് ഹോ​സ്പി​റ്റ​ലി​ൽ സ​ർ​ജ​നാ​യി​രു​ന്ന ജോ​ണ്‍ ഹ​ണ്ട​റു​ടെ കീ​ഴി​ൽ സ​ർ​ജ​റി​യും അ​നാ​ട്ട​മി​യും പ​ഠി​ച്ചു. 1773-ൽ ​നാ​ട്ടി​ൽ തി​രി​ച്ചെ​ത്തി ഡോ​ക്ട​റാ​യി സേ​വ​നം ചെ​യ്തു. 1792-ൽ ​സ്കോ​ട്‌​ല​ൻ​ഡി​ലെ സെ​ന്‍റ് ആ​ൻ​ഡ്രൂ​സ് യൂ​ണി​വേ​ഴ്സി​റ്റി​യി​ൽ​നി​ന്ന് എം.​ഡി. നേ​ടി. 

വാ​ക്സി​ൻ

നാ​ട്ടി​ൻ​പു​റ​ത്തെ ഡോ​ക്ട​റാ​യി സേ​വ​നം ചെ​യ്യു​ന്ന​തി​നി​ടെ പാ​ൽ​ക്കാ​രി സ്ത്രീ​ക​ളെ നി​രീ​ക്ഷി​ച്ചാ​ണ് എ​ഡ്വേ​ർ​ഡ് ജെ​ന്ന​ർ ത​ന്‍റെ ക​ണ്ടു​പി​ടി​ത്ത​ത്തി​ലേ​ക്ക് എ​ത്തി​യ​ത്. മ​നു​ഷ്യ​രി​ൽ വ​സൂ​രി (സ്മോ​ൾ പോ​ക്സ്) എ​ന്ന​പോ​ലെ അ​ക്കാ​ല​ത്ത് പ​ശു​ക്ക​ളി​ൽ ഗോ​വ​സൂ​രി (കൗ​പോ​ക്സ്) ഉ​ണ്ടാ​യി​രു​ന്നു. പ​കു​തി​യി​ലേ​റെ ആ​ളു​ക​ൾ​ക്കും വ​സൂ​രി വ​രു​ന്ന​തു​കൊ​ണ്ട് മി​ക്ക​വാ​റും ആ​ളു​ക​ൾ​ക്ക് മു​ഖ​ത്ത് വ​സൂ​രി​ക്ക​ല ഉ​ണ്ടാ​യി​രു​ന്നു. പ​ക്ഷേ, പാ​ൽ​ക്കാ​രി സ്ത്രീ​ക​ൾ മു​ഖ​ത്ത് പാ​ടു​ക​ളി​ല്ലാ​തെ സു​ന്ദ​രി​മാ​രാ​യി​രി​ക്കു​ന്ന​ത് അ​ദ്ദേ​ഹം ശ്ര​ദ്ധി​ച്ചു. കൂ​ടു​ത​ൽ നി​രീ​ക്ഷി​ച്ച​പ്പോ​ൾ ഗോ​വ​സൂ​രി​യു​ള്ള പ​ശു​ക്ക​ളു​മാ​യി ഇ​ട​പ​ഴ​കു​ന്ന​തു​കൊ​ണ്ട് അ​വ​ർ​ക്ക് വ​സൂ​രി ഉ​ണ്ടാ​കു​ന്നി​ല്ല എ​ന്നു മ​ന​സി​ലാ​യി. ഗോ​വ​സൂ​രി​യു​ടെ പ്ര​തി​രോ​ധ​ശേ​ഷി ആ​ർ​ജി​ച്ച അ​വ​ർ​ക്ക് വ​സൂ​രി​യെ​യും പ്ര​തി​രോ​ധി​ക്കാ​നാ​കും എ​ന്ന​ത് അ​ദ്ദേ​ഹം തി​രി​ച്ച​റി​ഞ്ഞു. തി​യ​റി വ്യ​ക്ത​മാ​യെ​ങ്കി​ലും ഇ​തു തെ​ളി​യി​ക്കാ​ൻ അ​ദ്ദേ​ഹം അ​വ​സ​ര​ത്തി​നാ​യി കാ​ത്തി​രി​ക്കു​ക​യാ​യി​രു​ന്നു. 

ഈ ​സ​മ​യ​ത്താ​ണ് സാ​റാ നെ​ൽ​മ്സ് എ​ന്ന പാ​ൽ​ക്കാ​രി ഗോ​വ​സൂ​രി ബാ​ധി​ച്ച് ഡോ​ക്ട​റു​ടെ അ​ടു​ത്തെ​ത്തി​യ​ത്. ബ്ലോ​സം എ​ന്ന പ​ശു​വി​ന്‍റെ പാ​ൽ ക​റ​ന്നെ​ടു​ക്കു​ന്ന​തി​നി​ടെ​യാ​ണ് രോ​ഗ​ബാ​ധ ഉ​ണ്ടാ​യ​തെ​ന്നു ക​ണ്ടെ​ത്തി. 

1796 മേ​യ് 14.

സാ​റ​യു​ടെ ദേ​ഹ​ത്തു​നി​ന്നെ​ടു​ത്ത ഗോ​വ​സൂ​രി പ​ഴു​പ്പ് ത​ന്‍റെ തോ​ട്ട​ക്കാ​ര​ന്‍റെ എ​ട്ടു​വ​യ​സു​കാ​ര​നാ​യ മ​ക​ൻ ജെ​യിം​സ് ഫി​പ്പി​ന്‍റെ കൈ​യി​ൽ പോ​റ​ലു​ണ്ടാ​ക്കി നി​ക്ഷേ​പി​ച്ചു. അ​താ​യ​ത് ഇ​നോ​ക്കു​ലേ​ഷ​ൻ ന​ട​ത്തി. ര​ണ്ടു​ദി​വ​സം പ​നി​യു​ണ്ടാ​യ​തൊ​ഴി​ച്ച് യാ​തൊ​രു കു​ഴ​പ്പ​വും കു​ട്ടി​ക്ക് സം​ഭ​വി​ച്ചി​ല്ല. ജൂ​ലൈ​യി​ൽ അ​ദ്ദേ​ഹം പ​രീ​ക്ഷ​ണ​ത്തി​ന്‍റെ അ​ടു​ത്ത ഘ​ട്ട​മാ​യ ചാ​ല​ഞ്ചി​ലേ​ക്കു ക​ട​ന്നു. വ​സൂ​രി ബാ​ധി​ച്ച​യാ​ളു​ടെ ദേ​ഹ​ത്തെ കു​മി​ള​യി​ൽ​നി​ന്നു​ള്ള പ​ഴു​പ്പ് ഫി​പ്പി​നു കു​ത്തി​വ​ച്ചു. പ​ക്ഷേ, കു​ട്ടി​ക്ക് വ​സൂ​രി ഉ​ണ്ടാ​യി​ല്ല. ഇ​തോ​ടെ, ഗോ​വ​സൂ​രി വൈ​റ​സി​നെ കു​ത്തി​വ​ച്ച​വ​ർ​ക്ക് വ​സൂ​രി​യും ബാ​ധി​ക്കി​ല്ലെ​ന്ന് വ്യ​ക്ത​മാ​യി. ഗോ​വ​സൂ​രി വൈ​റ​സി​നെ ആ​രോ​ഗ്യ​വാ​നാ​യ ആ​ളി​ൽ പ്ര​വേ​ശി​പ്പി​ക്കു​ന്ന ഇ​നോ​ക്കു​ലേ​ഷ​നെ അ​ദ്ദേ​ഹം വാ​ക്സി​നേ​ഷ​ൻ എ​ന്നു വി​ളി​ച്ചു. 

പ​ശു എ​ന്ന​തി​ന്‍റെ ഇ​റ്റാ​ലി​യ​ൻ പ​ദ​മാ​യ വാ​ക്കാ (Vacca), ഗോ​വ​സൂ​രി​ക്കു​ള്ള വാ​ക്സീ​നി​യ എ​ന്നീ വാ​ക്കു​ക​ളി​ൽ​നി​ന്നാ​ണ് ഈ ​പേ​ര് രൂ​പീ​ക​രി​ച്ച​ത്. അ​ങ്ങ​നെ 3000 വ​ർ​ഷ​മെ​ങ്കി​ലും ഭൂ​മി​യി​ൽ മ​ര​ണ​താ​ണ്ഡ​വ​മാ​ടി​യ വൈ​റ​സി​നെ നേ​രി​ടാ​നു​ള്ള പ്ര​തി​രോ​ധ​മ​രു​ന്നു ക​ണ്ടു​പി​ടി​ച്ചു. പ​ക്ഷേ,ജെ​ന്ന​ർ ത​ന്‍റെ ക​ണ്ടു​പി​ടി​ത്തം തെ​ളി​യി​ക്കു​ന്ന ഒ​രു പ്രാ​ഥ​മി​ക പ​ഠ​ന​റി​പ്പോ​ർ​ട്ട് സ​മ​ർ​പ്പി​ച്ചെ​ങ്കി​ലും റോ​യ​ൽ സൊ​സൈ​റ്റി അ​ത് ത​ള്ളി​ക്ക​ള​ഞ്ഞു. 

പ​ക്ഷേ, അ​ദ്ദേ​ഹം പി​ന്മാ​റി​യി​ല്ല. ജെ​ന്ന​റി​ന്‍റെ മ​ക​ൻ റോ​ബ​ർ​ട്ടി​ൽ അ​ട​ക്കം 23 പേ​രി​ൽ പ​രീ​ക്ഷ​ണം ആ​വ​ർ​ത്തി​ച്ചു. എ​ല്ലാം വി​ജ​യി​ച്ചു. ശാ​സ്ത്ര​ലോ​കം ജെ​ന്ന​റു​ടെ പ്ര​ബ​ന്ധ​ത്തെ​ക്കു​റി​ച്ച് വ്യ​ത്യ​സ്ത അ​ഭി​പ്രാ​യ​ത്തി​ലാ​യി​രു​ന്നു. ഭൂ​രി​പ​ക്ഷ​വും അ​തി​നെ പൂ​ർ​ണ​മാ​യും ത​ള്ളി​ക്ക​ള​ഞ്ഞു. ജെ​ന്ന​റെ ക​ളി​യാ​ക്കി​ക്കൊ​ണ്ട് മാ​സി​ക​ക​ളി​ൽ കാ​ർ​ട്ടൂ​ണു​ക​ളും ഫ​ലി​ത​ങ്ങ​ളു​മൊ​ക്കെ​യു​ണ്ടാ​യി. ഇ​ന്ന​ത്തെ ട്രോ​ളു​ക​ൾ​പോ​ലെ. 

ഇം​ഗ്ല​ണ്ടി​ലും ജ​ർ​മ​നി​യി​ലു​മൊ​ക്കെ​യാ​യി അ​ഞ്ചു​പേ​ർ ഗോ​വ​സൂ​രി​കൊ​ണ്ട് വ​സൂ​രി​യെ ചെ​റു​ക്കാ​നാ​കു​മെ​ന്ന നി​ഗ​മ​ന​ങ്ങ​ൾ മു​ന്പ് പ​ങ്കു​വ​ച്ചി​രു​ന്നു. എ​ന്നാ​ൽ ആ​രും അ​ത് തെ​ളി​യി​ച്ചി​രു​ന്നി​ല്ല. അ​തു തെ​ളി​യി​ക്കു​ക​യും പ്ര​ബ​ന്ധം ത​യാ​റാ​ക്കു​ക​യും ചെ​യ്ത് ശാ​സ്ത്രീ​യ അ​ടി​ത്ത​റ​യു​ണ്ടാ​ക്കി​യ​ത് ജെ​ന്ന​റാ​ണ്. 

ലോ​കം അം​ഗീ​ക​രി​ക്കു​ന്നു

ആ​ദ്യം പ​രി​ഹ​സി​ച്ചെ​ങ്കി​ലും സാ​വ​കാ​ശം ശാ​സ്ത്ര​ലോ​കം ജെ​ന്ന​റെ അം​ഗീ​ക​രി​ച്ചു. ഡോ​ക്ട​ർ​മാ​ർ​പോ​ലും ജെ​ന്ന​റി​ൽ​നി​ന്ന് വാ​ക്സി​ൻ സ്വീ​ക​രി​ച്ച​തോ​ടെ ജ​ന​ങ്ങ​ൾ​ക്കി​ട​യി​ൽ വി​ശ്വാ​സ്യ​ത​യാ​യി. 

അ​മേ​രി​ക്ക​ൻ പ്ര​സി​ഡ​ന്‍റ് തോ​മ​സ് ജ​ഫേ​ഴ്സ​ണ്‍, ഏ​ഴാം പീ​യൂ​സ് മാ​ർ​പാ​പ്പ, ഇ​റ്റ​ലി​യി​ലെ ഡോ. ​ലൂ​യി​ജി സാ​ക്കോ എ​ന്നി​വ​രും വാ​ക്സി​നെ അ​നു​കൂ​ലി​ച്ച​തോ​ടെ ലോ​കം വ​സൂ​രി​ക്കെ​തി​രാ​യ വാ​ക്സി​നെ ഇ​രു​കൈ​യും നീ​ട്ടി സ്വീ​ക​രി​ച്ചു. 

ബ്രി​ട്ട​നു​മാ​യി യു​ദ്ധ​ത്തി​ലാ​യി​രു​ന്ന നെ​പ്പോ​ളി​യ​ൻ മു​ഴു​വ​ൻ പ​ട്ടാ​ള​ക്കാ​ർ​ക്കും വാ​ക്സി​നേ​ഷ​ൻ ന​ല്കി. ജെ​ന്ന​ർ​ക്ക് അ​ദ്ദേ​ഹം ഒ​രു മെ​ഡ​ൽ സ​മ്മാ​നി​ക്കു​ക​യും ചെ​യ്തു. നെ​പ്പോ​ളി​യ​നു​മാ​യി ബ​ന്ധ​മാ​യ​തോ​ടെ ജെ​ന്ന​ർ അ​ദ്ദേ​ഹ​ത്തോ​ട് ഒ​രു അ​ഭ്യ​ർ​ഥ​ന ന​ട​ത്തി. ബ്രി​ട്ട​ന്‍റെ ര​ണ്ടു യു​ദ്ധ ത​ട​വു​കാ​രെ മോ​ചി​പ്പി​ക്ക​ണ​മെ​ന്നാ​യി​രു​ന്നു അ​ത്. ഒ​ട്ടും വൈ​കാ​തെ നെ​പ്പോ​ളി​യ​ൻ ത​ട​വു​കാ​രെ മോ​ചി​പ്പി​ക്കു​ക​യും ഇം​ഗ്ല​ണ്ടി​ലേ​ക്കു പോ​കാ​ൻ അ​നു​വ​ദി​ക്കു​ക​യും ചെ​യ്തു. ഇ​തെ​ക്കു​റി​ച്ച് നെ​പ്പോ​ളി​യ​ൻ പ​റ​ഞ്ഞ വാ​ക്കു​ക​ളും ച​രി​ത്ര​മാ​യി. "മ​നു​ഷ്യ​രാ​ശി​യു​ടെ ഏ​റ്റ​വും മ​ഹാ​നാ​യ ഉ​പ​കാ​രി​യു​ടെ അ​ഭ്യ​ർ​ഥ​ന നി​ര​സി​ക്കാ​ൻ എ​നി​ക്കാ​വി​ല്ല.’ എ​ന്നാ​യി​രു​ന്നു അ​ത്. 

വാ​ക്സി​ൻ ക്ഷേ​ത്രം

ദ​രി​ദ്ര​രാ​യ നാ​ട്ടി​ൻ​പു​റ​ത്തു​കാ​ർ​ക്കു വാ​ക്സി​നേ​ഷ​ൻ സൗ​ജ​ന്യ​മാ​യി ന​ല്കു​ന്ന​തി​നാ​യി ജെ​ന്ന​ർ ത​ന്‍റെ പു​ര​യി​ട​ത്തി​ൽ പ​ണി​ത മു​റി​ക്ക് അ​ദ്ദേ​ഹം ഇ​ട്ട പേ​രാ​ണ് വാ​ക്സി​ൻ ക്ഷേ​ത്രം (Temple of Vaccinia ). അ​ദ്ദേ​ഹ​ത്തി​ന്‍റെ വീ​ടും വാ​ക്സി​നെ​ടു​ത്തി​രു​ന്ന മു​റി​യു​മൊ​ക്കെ ഇ​ന്നു മ്യൂ​സി​യ​മാ​ണ്. വാ​ക്സി​നേ​ഷ​ൻ എ​ടു​ക്കു​ന്ന​ത് പ​രി​ശീ​ലി​പ്പി​ച്ച​ശേ​ഷം ആ​രോ​ഗ്യ​പ്ര​വ​ർ​ത്ത​ക​രോ​ട് അ​ദ്ദേ​ഹം പ​റ​ഞ്ഞ​ത്, നി​ങ്ങ​ൾ ക​ണ്ടു​മു​ട്ടു​ന്ന​വ​ർ ആ​രാ​ണെ​ന്നോ എ​വി​ടെ​നി​ന്നു വ​ന്ന​വ​രാ​ണെ​ന്നോ പ​രി​ഗ​ണി​ക്ക​രു​ത്. എ​ല്ലാ​വ​ർ​ക്കും സൗ​ജ​ന്യ​മാ​യി വാ​ക്സി​നേ​ഷ​ൻ ന​ട​ത്തു​ക എ​ന്നാ​ണ്. 

താ​മ​സി​യാ​തെ ലോ​ക​മെ​ങ്ങും വാ​ക്സി​ൻ പ്ര​ച​രി​ച്ചു. സാ​ന്പ​ത്തി​ക ബു​ദ്ധി​മു​ട്ടി​ലാ​യി​രു​ന്ന ജെ​ന്ന​ർ​ക്ക് ബ്രി​ട്ടീ​ഷ് സ​ർ​ക്കാ​ർ 10,000 പൗ​ണ്ട് അ​നു​വ​ദി​ച്ചു. 1807-ൽ ​റോ​യ​ൽ കോ​ള​ജ് ഓ​ഫ് ഫി​സി​ഷ്യ​ൻ​സ് വാ​ക്സി​നേ​ഷ​ൻ അം​ഗീ​ക​രി​ച്ചു. അ​തെ​ത്തു​ട​ർ​ന്ന് സ​ർ​ക്കാ​ർ 20,000 പൗ​ണ്ട് കൂ​ടി ന​ല്കി. ലോ​ക​മെ​ങ്ങും​നി​ന്ന് ജെ​ന്ന​ർ​ക്ക് ബ​ഹു​മ​തി​ക​ൾ എ​ത്തി. അ​മേ​രി​ക്ക​യും സ്വീ​ഡ​നും ത​ങ്ങ​ളു​ടെ സ​യ​ൻ​സ് അ​ക്കാ​ഡ​മി​ക​ളി​ൽ അ​ദ്ദേ​ഹ​ത്തി​ന് അം​ഗീ​കാ​രം ന​ല്കി. 

1980 മേ​യ് എ​ട്ടി​ന് വ​സൂ​രി​യെ ഭൂ​മു​ഖ​ത്തു​നി​ന്ന് നി​ർ​മാ​ർ​ജ​നം ചെ​യ്ത​താ​യി ലോ​കാ​രോ​ഗ്യ സം​ഘ​ട​ന പ്ര​ഖ്യാ​പി​ച്ചു. അ​മേ​രി​ക്ക​യി​ലെ​യും റ​ഷ്യ​യി​ലെ​യും ര​ണ്ടു ല​ബോ​റ​ട്ട​റി​ക​ളി​ൽ മാ​ത്ര​മാ​ണ് വ​സൂ​രി വൈ​റ​സി​നെ സൂ​ക്ഷി​ച്ചു​വ​ച്ചി​രി​ക്കു​ന്ന​ത്. 

ലോ​ക​ത്തി​ന്‍റെ ആ​ദ​ര​വു​ക​ൾ ഏ​റ്റു​വാ​ങ്ങു​ന്പോ​ഴും അ​ദ്ദേ​ഹം ഒ​രു സാ​ധാ​ര​ണ​ക്കാ​ര​നാ​യി ജീ​വി​ച്ചു. വാ​ക്സി​ൻ ത​നി​ക്കു​ള്ള പ​ണ​സ​ന്പാ​ദ​ന മാ​ർ​ഗ​മ​ല്ലെ​ന്ന് അ​ദ്ദേ​ഹം വി​ശ്വ​സി​ക്കു​ക​യും ജീ​വി​ത​ത്തി​ലൂ​ടെ തെ​ളി​യി​ക്കു​ക​യും ചെ​യ്തു. 

അ​വ​സാ​ന നാ​ളു​ക​ളി​ൽ നി​ർ​ഭാ​ഗ്യം അ​ദ്ദേ​ഹ​ത്തെ വി​ടാ​തെ പി​ന്തു​ട​ർ​ന്നു. മ​ക​ൻ എ​ഡ്വേ​ർ​ഡ്, സ​ഹോ​ദ​രി​മാ​രാ​യ മേ​രി, ആ​നി എ​ന്നി​വ​രും 1815-ൽ ​ഭാ​ര്യ കാ​ത​റീ​നും അ​ക്കാ​ല​ത്തെ മ​റ്റൊ​രു പ​ക​ർ​ച്ച​വ്യാ​ധി​യാ​യ ക്ഷ​യ​രോ​ഗം ബാ​ധി​ച്ചു മ​രി​ച്ചു. അ​വ​സാ​ന ദി​വ​സ​ങ്ങ​ളി​ലും ലോ​ക​ത്തി​ന്‍റെ യ​ഥാ​ർ​ഥ ന​ന്മ​മ​ര​മാ​യി​രു​ന്ന ആ ​മ​നു​ഷ്യ​ൻ ബ​ർ​ക്ക്‌​ലി​യി​ലെ ത​ന്‍റെ ഗ്രാ​മ​ത്തി​ൽ ല​ളി​ത​മാ​യ സാ​ഹ​ച​ര്യ​ത്തി​ൽ ഡോ​ക്ട​റാ​യി തു​ട​ർ​ന്നു. മ​രി​ക്കു​ന്ന​തി​നു ര​ണ്ടു ദി​വ​സം​മു​ന്പു​പോ​ലും ഗു​രു​ത​രാ​വ​സ്ഥ​യി​ലാ​യി​രു​ന്ന ഒ​രു രോ​ഗി​യെ ചി​കി​ത്സി​ക്കാ​ൻ അ​ദ്ദേ​ഹം പോ​യി​രു​ന്നു. 1823 ജ​നു​വ​രി 25ന് ​വി​ശ്വ​മാ​ന​വ​നാ​യ ഡോ. ​എ​ഡ്വേ​ർ​ഡ് ജെ​ന്ന​ർ അ​ന്ത​രി​ച്ചു. 

മ​ര​ണം ക​ഥ അ​വ​സാ​നി​പ്പി​ക്കാ​ൻ പ​റ്റി​യ സ​മ​യ​മാ​ണ്. ഒ​പ്പം ന​മ്മ​ളെ​ങ്ങ​നെ ന​മ്മ​ളാ​യെ​ന്ന് ഓ​ർ​മ​ക​ളു​ണ്ടാ​യി​രി​ക്ക​ണം എ​ന്ന് എ​ല്ലാ​വ​രെ​യും ഓ​ർ​മി​പ്പി​ക്കാ​നും. 

സ​മ​ർ​പ്പ​ണം

ന​മ്മു​ടെ സ​ർ​ക്കാ​ർ ആ​ശു​പ​ത്രി​ക​ളി​ലും സ്വ​കാ​ര്യ ആ​ശു​പ​ത്രി​ക​ളി​ലു​മൊ​ക്കെ നി​സ്വാ​ർ​ഥ​മാ​യി ജോ​ലി ചെ​യ്യു​ന്ന, കൈ​ക്കൂ​ലി വാ​ങ്ങു​ന്ന​തു സാ​മൂ​ഹ്യ​വി​രു​ദ്ധ​പ്ര​വ​ർ​ത്ത​ന​മാ​ണെ​ന്നു ക​രു​തു​ന്ന, ത​ന്‍റെ രോ​ഗി​ക​ളെ ഉ​പ​യോ​ഗി​ച്ച് മ​രു​ന്നു​ക​ന്പ​നി​ക​ളു​ടെ​യും മ​റ്റു സ്ഥാ​പ​ന​ങ്ങ​ളു​ടെ​യും ക​മ്മീ​ഷ​ൻ വാ​ങ്ങു​ന്ന​ത് അ​ധോ​ലോ​ക​പ്ര​വ​ർ​ത്ത​ന​മാ​ണെ​ന്നു ക​രു​തു​ന്ന ഡോ​ക്ട​ർ​മാ​ർ ഉ​ൾ​പ്പെ​ടെ​യു​ള്ള ആ​രോ​ഗ്യ​പ്ര​വ​ർ​ത്ത​ക​ർ​ക്ക്, ഇ​നി​യും നാ​ഡി​മി​ടി​പ്പ് നി​ല​യ്ക്കാ​ത്ത ഈ ​പ​ഴ​ങ്ക​ഥ സ​മ​ർ​പ്പി​ക്കു​ന്നു. എ​ഡ്വേ​ർ​ഡ് ജെ​ന്ന​ർ വാ​ക്സി​ൻ ക​ണ്ടു​പി​ടി​ച്ച​തി​ന്‍റെ ഈ ​ഓ​ർ​മ​പ്പെ​രു​ന്നാ​ളി​ൽ.

കടപ്പാട് :

ദീപിക