നാൽപതു വയസു കഴിഞ്ഞവർ നിർബന്ധമായും ECG, Cardiac CT angeo പരിശോധന നടത്തേണ്ടതാണ് എന്ന് ഡോ. ദേവി ഷെട്ടി പറയുന്നു.
പത്തു വർഷത്തിനകമുള്ള ഹൃദ്രോഗ സാധ്യത പോലും പ്രവചിക്കാൻ CT പരിശോധനക്കു കഴിയുമത്രേ. അതിനാവട്ടെ കേവലം 2 സെക്കന്റ് സമയമേ വേണ്ടതുള്ളൂ.
യൂറോപ്യൻമാരെ അപേക്ഷിച്ച് ഇന്ത്യക്കാർക്ക് ഹൃദ്രോഗ സാധ്യത 3 മടങ്ങ് കൂടുതലാണത്രേ. പ്രത്യേകിച്ച് നാൽപതു കഴിഞ്ഞ ഓരോ ഇന്ത്യൻ പുരുഷനും ഹൃദ്രോഗിയാണെന്ന് കരുതി വേണ്ടുന്ന പരിശോധനകൾ നടത്തുകയും മുൻകരുതൽ എടുക്കുകയും വേണം എന്ന് ഡോ. ഷെട്ടി പറയുന്നു.
ECG പരിശോധന 3/4 വർഷം കൂടുമ്പോൾ ഒരിക്കലെങ്കിലും നടത്തേണ്ടതുണ്ട്.
Cardiac CT 6 വർഷത്തിൽ ഒരിക്കൽ നടത്തണം. തൊട്ടടുത്തുള്ള ഏതൊരു Diagnostic Lab ലും ഇതു ചെയ്യാവുന്നതാണ്.50% ഇന്ത്യാക്കാനും നിശബ്ദ ഹൃദയാഘാതത്തിന് സാധ്യതയുള്ളവരായി ഒരു പഠനത്തിൽ കാണുന്നുണ്ട്. കഠിനമായ ശാരീരിക വ്യായാമങ്ങൾ തുടങ്ങുന്നതിനു മുമ്പെ ,പ്രത്യേകിച്ചും നാൽപതു വയസു കഴിഞ്ഞവർ, ഇത്തരം പരിശോധനകൾ നടത്തുന്നതായിരിക്കും ഉചിതം. എനിക്ക് പ്രശ്നങ്ങളില്ല, ഞാൻ 100 മീ ഓട്ടക്കാരനാണ്, എന്നും ജിമ്മിൽ കസർത്തു ചെയ്യുന്നവനാണ് എന്നൊന്നും വിചാരിച്ചിരുന്നിട്ടു കാര്യമില്ല എന്നും ഒരു ടി.വി ചാനലിനു നൽകിയ അഭിമുഖത്തിൽ ഡോ. ഷെട്ടി പറയുന്നുണ്ട്. പുനീത് രാജ് കുമാറിന്റെ അപ്രതീക്ഷിത വിയോഗമാണ് മാധ്യമങ്ങളിൽ ഹൃദ്രോഗ സാധ്യതയുമായി ബന്ധപ്പെട്ട പുതിയ ചർച്ചകൾക്ക് വഴിവെച്ചിരിക്കുന്നത്. _ CKR tips disastermanagement 01 11 2021
